Temperatura të ulëta edhe në rajonin e Korçës

Rajoni i Korçës është përfshirë nga temperaturat e ulëta, dëbora dhe akulli.

Temperatura më e ulët në këtë qytet ka qenë -10 gradë celsius, ndërsa në qytetin e Ersekës, -12 gradë celsius, në fshatrat turistik të Dardhës dhe Voskopojës, -14 gradë celsius dhe në fshatin Sheqeras -18 gradë celsius. Akset rrugore Kapshticë- Korçë, Korçë-Pogradec, Pogradec-Qafëthanë dhe Korçë-Ersekë, janë të kalueshme, ndërsa vështirësi për qarkullimin e automjeteve ka në Qafë-Thanë, Qafë-Plloçë dhe Qafën e Qarrit, ku për shkak të temperaturave të ulëta, ka shtresa akulli dhe automjetet mund të qarkullojnë vetëm me zinxhirë.