Radhë të gjata në Ambasadë për pasaportat,data 1 Mars do “burgosi” emigrantët shqiptarë!

Gjendja është tepër e rënduar dhe emigrantët pyesin veten nëse qeveria shqiptare është në dijeni se jashtë territorit të Shqipërisë jetojnë emigrantë apo jo.

Data 1 Mars duket si një datë tmerri për mijëra shqiptarë që jetojnë e punojnë në Greqi,pasi ata nuk arrijnë të pajisen me pasaportën biometrike.

Gjatë ditës së sotme,Newsit ka parë nga afër gjendjen në ambasadë dhe pamjet flasin vetë.Radhët e gjata dhe dëshpërimi i madh.

Edhe pse  personeli i Ambasadës Shqiptare në Athinë punon në mënyrë të shkëlqyer,kjo nuk mjafton pasi personat e interesuar për pasaportë biometrike janë shumë.

Pasaporta biometrike dhe karta e identitetit po u kushton emigrantëve më shumë se 200 euro dhe kjo ndodh pasi atyre u duhet të lenë punën 3 ditë për të pritur në radhë.