Punonjësi i policisë kufitare,Kapshticë,kaloi vrasësin në Greqi!

Vrau në Elbasan një ditë përpara Vitit të Ri dhe me ndihmën e një polici kaloi kufirin nëpërmjet doganës së Kapshticës me ndihmën e një polici.

Vrasja ndodhi më datë  30.12.2011, ku mbeti i vrarë me armë zjarri tip pistolete, brenda automjetit të tij, me targa TR 8931 P, shtetasi Ilir Ruzhdi Rexhepi, 41 vjeç, banues ne lagjen ”Vullnetari”, Elbasan.
Nga ana e strukturave te policise se Elbasan, lidhur me kete ngjarje kriminale,  u punua intensivisht per zbardhjen e plotë të autoresise se kesaj ngjarje, ku pas punes se kryer, u bë i mundur identifikimi i autorit si të dyshuar i kësaj ngjarje, ku për arsye hetimi nuk bëhen të ditura gjeneralitetet e tij dhe  nga ana jonë është shpallur në kërkim.

Nga ana e Sherbimi te Kontrollit të Brendshem Elbasan, u bë arrestimi në flagrancë i shtetasit Ardian Sami Çekiçi, 45 vjeç, banues në Pogradec , punonjes i policisë  së pikës së Kalimit Kufitar Kapshtice.

Arrestimi i tij u bë pasi, ky shtetas duke qene i planizuar në detyrën e Kontrollorit në Pikën e Kalimit Kufitar Kapshticë, ka ndihmuar dhe ka lejuar të kalojë në territorin Grek, të dyshuarin si autor të vrasjes se shtetasit Ilir Rexhepi, i cili është person i shpallur në kërkim

Po punohet intensivisht për kapjen e autorit të dyshuar të kësaj ngjarje.

Ndaj shtetasit Ardian Cekici, u mor masa e arrestit në flagrancë, pasi ka ndihmuar autorin e krimit të largohet për ne tërritorin Grek.